Azərbaycanın korifey sənətkarı, SSRİ xalq artisti Müslüm Maqomayevin indiyə qədər nümayiş olunmayan konsert kadrları üzə çıxıb.
Azpost.info bildirir ki, 1973-cü ildə Almaniya Federativ Respublikasında qastrolda olan Müslüm Maqomyev ZDF telekanalında canlı yayımda çıxış edib. Korifey sənətkarımızı Münxendə məşhur alman musqiçisi Maks Gregerin orkestrei müşayiət edib.
M.Maqomayev həmin proqramda 3 mahnı ifa edib. “Help yourself”, “Non pensare a me” və “Kapitan Qrantın uşaqları” filmindən Robertin mahnısı” oxunub.
Konsert iştirakçıları M.Maqomayevi gur alqışlarla qarşılayır. Proqramın aparıcısı Azərbaycan, Bakı haqqında suallar verir, Müslüm isə Sovet İttifaqının cənub ərazilərində yaşayan azərbaycanlıları “SSRİ-nin italiyanları” adlandırır.
Bu konsertin videoyazısı heç vaxt nümayiş olunmayıb.
Dünən M.Maqomayevin 80 yaşı tamam olub.
Azpost.info həmin videonu oxucularına tədim edir.
