Hindistanın Bansvara şəhərində azyaşlı qıza qarşı ağır cinayət törədilib. AzPost xarici mediaya istinadla xəbər verir ki, on altı yaşlı məktəbli qız dərsdən sonra iki yeniyetmə tərəfindən aldadılaraq qaçırılıb.
Məlumata görə, gənclər qızı evə aparmaq bəhanəsi ilə maşına mindirib daha sonra kənar bir ünvana aparıblar. Orada qız amansız zorakılığa məruz qalıb. Ardınca yeniyetmələrdən biri onu başqa bir evə apararaq yenidən zorakılıq göstərib.
Daha sonra zərərçəkmiş küçəyə atılıb. Huşsuz vəziyyətdə qızı təsadüfi bir şəxs taparaq xəstəxanaya çatdırıb. Həkimlərin sözlərinə görə, təcili əməliyyatdan sonra onun həyatını xilas etmək mümkün olub və hazırda vəziyyəti stabil qiymətləndirilir.
Hadisə ilə bağlı polisə dərhal məlumat verilib. Cinayəti törədənlərdən biri saxlanılıb, digəri isə axtarışdadır.
