“Kursk əməliyyatı böyük hərbi-diplomatik əməliyyatın bir hissəsidir. Ukraynanın etdiyi Rusiyanı ədalətli sülhə məcbur etmək üçündür”.
Azpost.info UNİAN-a istinadən bildirir ki, bu sözləri Ukrayna prezidenti Vladimir Zelenski Hindistan mətbuatının nümayəndələrinə müsahibəsində deyib.
O, Rusiyanın Kursk vilayətinə hücumla bağlı sualı cavablandırarkən qeyd edib ki, bu, böyük hərbi-siyasi, hərbi-diplomatik əməliyyatın bir hissəsidir.
“Kursk əməliyyatı onlara Sumı bölgəmizi ələ keçirməyə və mövqelərimizi zəiflətməyə, mövqelərini yenidən gücləndirməyə imkan vermədi”, – deyə Zelenski bildirib.
O əlavə edib ki, uzun müddət tərəfdaşların köməyi olmadan Ukrayna üçün çox çətin olub.
“Bizim üçün təşəbbüsü ələ keçirmək çox çətin idi. Bunu etməliydik. Bu, təşəbbüs planının mərhələlərindən biridir. Siz onu gördünuz. Bu işlədi. Bu addımların bütün məqsədlərini sizə tam deyə bilmərəm. Hər şey bitdikdən sonra, əgər uğur qazansaq, niyə və nə etdiyimiz bəlli olacaq”, – deyə Ukrayna prezidenti bildirib.
