Məşhur reper Killer Mayk (Maykl Santiaqo Render) 66-cı Qremmi Mükafatı mərasimində üç mükafat aldıqdan dərhal sonra polis tərəfindən saxlanılıb.
Azpost.info bildirir ki, bu barədə “The Hollywood Reporter” məlumat yayıb.
Nəşrin məlumatına görə, əvvəlcə mərasimin keçirildiyi Arena kompleksinin təhlükəsizlik əməkdaşı reperin saxlanma səbəbinin mükafatla heç bir əlaqəsi olmadığını bildirib. Lakin sonradan Los-Anceles hüquq-mühafizə orqanlarının nümayəndəsi müğənninin əlbəyaxa davaya görə saxlanıldığını bildirib.
Hazırda reper dindirilir.
Killer Mayk Maykl “Ən Yaxşı Rep Albomu”, “Ən Yaxşı Rep Performansı” və “Ən Yaxşı Rep Mahnısı” üçün “Qremmi” mükafatını qazanıb.
