AVRO-2020-də qrup mərhələsinin II turunda daha üç oyun keçirilib.
Apasport.az saytının məlumatına görə, B qrupunda tura yekun vurulubsa, C qrupunda hər iki matç baş tutub.
Belçika favoriti olduğu B qrupunda Danimarka ilə görüşüb. Kopenhagendəki matçda hesabı meydan sahibləri açsa da, Roberto Martinesin yetirmələri əzmkar qələbə qazanaraq 1/8 finala vəsiqəni təmin edib.
C qrupunda öncə autsayderlər, ardınca liderlər meydana çıxıb. Ukrayna millisi Şimali Makedoniya üzərində qələbə ilə ilk xallarını qazanıb.
Niderland isə Avstriya ilə görüşüb. Qələbə qazanan “narıncılar” nəinki 1/8 finala yüksəlib, həm də qrup birinciliyini təmin edib. Onlar 1-ci yeri dəqiqləşən ilk komanda olub.
Bu, Frank de Burun yetirmələrini Bakıya bir addım yaxınlaşdırıb. Niderland 1/8 finalda qarşılaşacağı qrup üçüncüsü olacaq rəqibini yensə, 1/4 final matçını Bakı Olimpiya Stadionunda keçiriləcək.
Qeyd edək ki, iyunun 16-da start götürən II tur ayın 19-da başa çatacaq.
AVRO-2020
II tur, 17 iyun
B qrupu
20:00. Danimarka – Belçika – 1:2
Qollar: Yussuf Poulsen, 2 – Torqan Azar, 55, Kevin de Breyne, 71
Baş hakim: Byorn Kuypers (Niderland)
Kopenhagen. “Parken” stadionu
1 | Belçika | 2 | 2 | 0 | 0 | 5-1 | 6 |
2 | Rusiya | 2 | 1 | 0 | 1 | 1-3 | 3 |
3 | Finlandiya | 2 | 1 | 0 | 1 | 1-1 | 3 |
4 | Danimarka | 2 | 0 | 0 | 2 | 1-3 | 0 |
C qrupu
17:00. Ukrayna – Şimali Makedoniya – 2:1
Qollar: Andrey Yarmolenko, 29, Roman Yaremçuk, 34 – Ezgjan Alioski, 57
Baş hakim: Fernando Andres Rapallini (Argentina)
Buxarest. “Nasional” stadionu
C qrupu
23:00. Niderland – Avstriya – 2:0
Qollar: Memfis Depay, 10 (pen.), Benzel Dumfris, 67
Baş hakim: Orel Qrinfeld (İsrail)
Amsterdam. “Yohan Kroyf Arena”
1 | Niderland | 2 | 2 | 0 | 0 | 5-2 | 6 |
2 | Ukrayna | 2 | 1 | 0 | 1 | 4-4 | 3 |
3 | Avstriya | 2 | 1 | 0 | 1 | 3-3 | 3 |
4 | Ş.Makedoniya | 2 | 0 | 0 | 2 | 2-5 | 0 |