Rusiya Təhlükəsizlik Şurasının katibi Nikolay Patruşev sabah təhlükəsizlik məsələlərinə dair Rusiya-Azərbaycan ikitərəfli məsləhətləşmələri aparmaq üçün Bakıya gəlir.
Azpost.info TASS-a istinadən xəbər verir ki, bu barədə Təhlükəsizlik Şurasının Aparatı açıqlama yayıb.
“Sentyabrın 4-də Rusiya Təhlükəsizlik Şurasının katibi Nikolay Patruşev Azərbaycan Respublikasına səfər edəcək. Bakıda Patruşev Azərbaycanın Təhlükəsizlik Şurasının katibi Ramil Usubovla , iki ölkənin bir sıra nazirliklərinin və dövlət strukturlarının nümayəndələri ilə təhlükəsizlik məsələlərinə dair Rusiya-Azərbaycan məsləhətləşmələri aparacaq”,- rəsmi məlumatda deyilir.