ABŞ Prezidenti Donald Tramp bildirib ki, Pakistan rəhbərliyinin xahişi ilə Vaşinqton İrana müvəqqəti “nəfəs almaq üçün möhlət” verib.
Azpost.info bildirir ki, o, bu barədə beynəlxalq vasitəçilik səyləri və regiondakı vəziyyət barədə şərh verərəkən vurğulayıb: “Feldmarshal və Pakistanın Baş naziri əla adamlardır. Biz onların Hindistanla müharibəyə girməsinin qarşısını aldıq”.
Tramp həmçinin bildirib ki, Pakistan Vaşinqton və Tehran arasındakı dialoqda vasitəçi rolunu oynamağa davam edir. Amerika liderinin sözlərinə görə, Pakistan nümayəndələri İran tərəfi ilə əlaqə saxlayır və razılaşmanı asanlaşdırmağa çalışırlar: “Onlar İrana yaxındırlar. Onlar hələ də işləyirlər, düzgün iş gördüklərinə əmin olmağa çalışırlar”.
O, ABŞ-ın davamlı və mümkün olan “ciddi bir razılaşma” əldə etməkdə maraqlı olduğunu vurğulayıb.
Pakistan rəsmiləri əvvəllər ABŞ və İran arasında vasitəçilik etməyə hazır olduqlarını bildiriblər və ərazilərini danışıqlar prosesi üçün istifadəyə verməyi də nəzərdən keçiriblər.
