Gələn mövsüm Premyer Liqa iştirakçılarının sayı artırıla bilər.
Azpost.info sportinfo-ya istinadən bildirir ki, bu barədə AFFA-dan məlumat əldə edib.
Federasiyadan redaksiyamıza verilən informasiyaya görə, elitada yarışacaq klubların sayının 10-dan 12-yə çatdırılması gündəmdədir.
Qurumun prezidenti Rövnəq Abdullayev bu ideyanın təşəbbüskarıdır. O, təşkilatın rəsmiləri ilə söhbətlərində çempionatın coğrafiyasının genişləndirilməsinin vacibliyi üzərində dayanıb.
AFFA-nın başçısı hazırkı yarışın səviyyəsinin onu qane etdiyini, lakin rəqabətin daha da böyüməsinin zəruri olduğunu deyib.
Abdullayev bu qənaətdədir ki, Premyer Liqada region təmsilçilərinin hesabına say artımını təmin eləmək mütləqdir.
