Prezident İlham Əliyev BP-nin baş icraçı direktorunu qəbul edib- FOTO

Azərbaycan Respublikasının Prezidenti İlham Əliyev iyunun 24-də BP qrupunun baş icraçı direktoru Bernard Lunini qəbul edib.

Məlumatı Prezidentin Mətbuat Xidməti məlumat yayıb.

Görüşdə BP şirkətinin SOCAR ilə uzun illər uğurlu əməkdaşlıq həyata keçirdiyi vurğulanıb.

Şirkətin bundan sonra da ölkəmizdə fəaliyyət göstərmək niyyəti ifadə olunub.

BP-nin Azərbaycanda yaşıl enerji növlərinə keçidlə bağlı verdiyi töhfə qeyd edilib. Şirkət tərəfindən Cəbrayılda inşa ediləcək 240 meqavatlıq günəş elektrik stansiyasının əhəmiyyətinə toxunulub, bununla bağlı iyunun 4-də Şuşada BP ilə imzalanmış sənədin önəmi vurğulanıb.

Söhbət zamanı gələcək planlar barədə fikir mübadiləsi aparılıb.

Əvvəlki məqalə

Ukrayna taxılını çıxarmaq üçün razılıq əldə olundu

Sonrakı məqalə

“YAŞAT”a nə qədər vəsait daxil olub, nə qədəri xərclənib?