Putin beynəlxalq informasiya agentliklərinin rəhbərləri ilə görüşəcək

Rusiya Federasiyasının Prezidenti Vladimir Putin Peterburq Beynəlxalq İqtisadi Forumu (PBİF) çərçivəsində beynəlxalq informasiya agentliklərinin rəhbərləri ilə görüş keçirəcək.

Bu barədə jurnalistlərə Rusiya Prezidentinin köməkçisi Yuri Uşakov bildirib.

“Forum zamanı V.Putin beynəlxalq informasiya agentliklərinin rəhbərləri ilə ənənəvi görüş keçirəcək. Bu görüş, iyunun 5-də saat 14:00-da, yəni, forumun açılışından əvvəl olacaq”, – Y.Uşakov deyib.

Qeyd edək ki, Rusiya Federasiyası Prezidentinin PBİF çərçivəsində informasiya agentliklərinin rəhbərləri ilə görüşünü ənənəvi olaraq TASS agentliyi təşkil edir(azərtac).

Əvvəlki məqalə

Britaniya Ukraynaya 1000 PUA göndərəcək

Sonrakı məqalə

Culian Assanjın həyat yoldaşı Co Baydenə çağırış edib