“Qəzzada atəşkəs əldə olunana qədər İsraillə ticarəti bərpa etməyəcəyik”- Türkiyəli nazir

Türkiyənin İsraillə ticarəti dayandırmaq qərarı Qəzza zolağında daimi atəşkəs əldə olunana qədər qüvvədə qalacaq.

Azpost.info xəbər verir ki, bu barədə ölkənin ticarət naziri Ömər Bolat bildirib.

“Mayın 2-dən etibarən İsraillə ticarəti tamamilə dayandırmağa qərar verəndə bildirdik ki, məqsədimiz Qəzzanın yenidən qurulması, bölgəyə ərzaq, tibbi və humanitar yardımın çatdırılmasıdır. Bunu görənə qədər İsraillə ticarəti dayandırmaq qərarımız qüvvədə qalacaq”, – nazir deyib.

Eyni zamanda, o, Fələstinlə ticarətin davam etdiyini bildirib. Fələstinin iqtisadiyyat naziri Məhəmməd əl-Amur ilə görüşdən sonra Bolat deyib: “Biz Fələstin iqtisadiyyatının minimal itkilərə məruz qalması üçün mümkün olan hər şeyi edirik”.

Azpost.info

Əvvəlki məqalə

Azərbaycanla Misir arasında ticarət dövriyyəsi bir neçə dəfə artıb

Sonrakı məqalə

Azərbaycan və Ermənistan dövlət sərhədlərini müəyyən etmək işində müəyyən uğurlara nail olublar