Şanxay Əməkdaşlıq Təşkilatının Səmərqənddə keçirilən sammiti çərçivəsində Qırğızıstan prezidenti Sadır Japarov Tacikistan lideri Emoməli Rəhmonla görüşüb.
Azpost.info xəbər verir ki, tərəflər Qırğızıstan-Tacikistan sərhədindəki vəziyyəti müzakirə ediblər.
Qırğızıstan prezidentinin mətbuat xidmətinin məlumatına görə, görüşdə atəşkəs və qoşunların təmas xəttindən çıxarılması barədə razılığa gəlinib: “Liderlər atəşi dayandırmaq və qoşunların və vasitələrin təmas xəttindən çıxarılması üçün müvafiq strukturlara göstəriş verməyə razılaşıblar”.
Məlumata görə, iki ölkənin dövlət milli təhlükəsizlik komitələrinin sədrləri yerlərdə işləyəcək, sərhəddə vəziyyətin gərginləşməsinin hallarını və səbəblərini araşdırmaq üçün komissiya yaradılacaq.
Tərəflər həmçinin dövlət sərhədinin delimitasiyası və demarkasiyası üzrə Qırğızıstan və Tacikistan Hökumətlərarası Komissiyasının işini sürətləndirmək barədə razılıq əldə ediblər.
Azpost.info
