Qırğızıstan prezidenti Sadır Japarov ölkə vətəndaşlarını böhran şəraitində öz xərclərinə yenidən baxmağa və ənənəvi ziyafətlər təşkil etməməyə çağırıb.
Azpost.info xəbər verir ki, Japarov qeyd edib ki, Qırğızıstanda qiymətlər artmaqdadır və işsizlik davam edir. Üstəlik, dünyadakı son hadisələrə görə vəziyyət daha da pisləşə bilər: “Mən hamımızdan xahiş edirəm ki, xərclərə yenidən baxaq, bahalı əşyaların alınmasını təxirə salaq, böyük ziyafətlər keçirməyək və pul israfına son qoyaq”, – prezident bildirib.
O, həmçinin xatırladıb ki, bir müddət əvvəl vətəndaşlara ailəvi dəfn mərasimlərində qurban kəsilməsini məhdudlaşdırmağı tövsiyə edib. Prezident hesab edir ki, indi ən vacib məsələ ərzaq təhlükəsizliyini həm dövlət, həm də hər bir ailə səviyyəsində təmin etməkdir.
Japarov qeyd edib ki, qida təminatı üçün heç bir tarlanı əkinsiz qoymamaq və hər yaz günü bağçada işləmək lazımdır. Azpost.info
