Azərbaycandan keçən Orta Dəhlizin Almaniya üçün böyük perspektivi var, Cənubi Qafqaz daha sabit region olandan sonra bu dəhlizin əhəmiyyəti daha da artacaq.
Bunu Almaniya Federativ Respublikasının Prezidenti Frank-Valter Ştaynmayer Bakıda Azərbaycan Respublikasının Prezidenti İlham Əliyevlə mətbuata birgə bəyanatında bildirib.
“Ermənistanla Azərbayсan arasında sülh prosesinin böyük əhəmiyyəti var. Bir il ərzində çox böyük addımlar atılıb. 13 martda sülh sazişinin mətninin razılaşdırılması barədə bəyanat verildi. Bu razılaşmanın əldə olunması üçün gözəl bir an yaranıb. İnanıram ki, sülh sazişi imzalanacaq. Bu anı itirməmək lazımdır. Bu yolu sona kimi getmək, kompromislər üçün siyasi iradə lazımdır. Ümid edirəm ki, bu, alınacaq. Biz də bacardıqca buna dəstək verəcəyik”, – Almaniya Prezidenti vurğulayıb.
