Rusiyanın Çelyabinsk şəhərində bir ailə restoran yeməyindən sonra Hepatit A diaqnozu ilə xəstəxanaya yerləşdirilib.
AzPost xəbər verir ki, ailə dəniz məhsulları ixtisaslaşmış restoranda midiya (ikitaylı molyusk), kartof qızartması, pasta və salat yeyib. Təxminən bir ay sonra – istirahətdə olduqları vaxt – onlarda qarın ağrısı, ishal, qusma və sarılıq kimi əlamətlər başlayıb.
Evə qayıtdıqdan sonra aparılan müayinələr Hepatit A virusunu təsdiqləyib. Həkimlər xəstələrin azı 3 həftə müalicə almalı olduğunu, bərpa prosesinin isə 6 aya qədər çəkə biləcəyini bildirir.
Restoran hazırda bağlıdır. Rəsmi qurumlar obyektlə bağlı yoxlamalara başlayıb.
