Rusiya 900-dən çox ABŞ vətəndaşının ölkəyə girişini daimi əsaslarla bağlayır.
Azpost.info xəbər verir ki, 963 nəfərin daxil olduğu siyahı Rusiya Xarici İşlər Nazirliyinin (XİN) saytında dərc olunub.
XİN-in bəyanatında deyilir ki, belə bir qərar ABŞ tərəfindən davamlı olaraq tətbiq edilən anti-Rusiya sanksiyalarına cavab kontekstində qəbul edilib: “Vaşinqtonun düşmənçilik hərəkətləri bundan sonra da lazımi cavabını alacaq”. Rusiya XİN onu da bildirir ki, bu sanksiyalar ABŞ hökumətini yeni geosiyasi reallıqları dərk edərək davranışlarını dəyişməyə məcbur etmək məqsədi daşıyır: “Rusiya qarşıdurma axtarmır, dürüst dialoqa açıqdır və Amerika xalqını rusofobiyanı qızışdıran ABŞ hakimiyyətindən ayırır”.
Qeyd edək ki, Rusiya XİN-in “qara siyahısında” ABŞ prezidenti Co Bayden və oğlu Hanter Bayden də var.
Azpost.info
