Rusiya ilə Azərbaycan arasında ticarət dövriyyəsi 20 faiz artaraq 3 milyard dolları ötüb.
Azpost.info xəbər verir ki, bunu Rusiyanın xarici işlər naziri Sergey Lavrov azərbaycanlı həmkarı Ceyhun Bayramovla danışıqların yekununda bildirib.
Lavrovun sözlərinə görə, ilin sonunadək bu rəqəmin 4 milyard dollara yüksələcəyi gözlənilir.
“Rusiya Azərbaycanın aparıcı ticarət tərəfdaşlarından biridir. Bu ilin 10 ayı ərzində ticarət dövriyyəsi nəzərəçarpacaq şəkildə artaraq 3 milyard dolları ötüb və ilin sonunadək biz rekord hədd – 4 milyard dollar gözləyirik”, – XİN rəhbəri deyib.
Onun sözlərinə görə, QAZ yük avtomobillərinin istehsalı və “Rusiya Helikopterləri” servis mərkəzinin inkişafı kimi mühüm və diqqətəlayiq layihələrin həyata keçirilməsi gündəmdədir.
Azpost.info