Rusiya Xarici İşlər Nazirliyi Polşanın 45 diplomatını “persona non qrata” elan edib. Onlar aprelin 13-ü axşama qədər Rusiyanı tərk etməlidirlər.
Azpost.info xəbər verir ki, müvafiq nota bu gün Rusiya XİN-ə çağırılan Polşa səfiri Kşiştof Krayevskiyə təqdim edilib.
Rusiya XİN-dən bildiriblər ki, bu addım martın 23-də 45 rusiyalı diplomatın casusluq ittihamı ilə Polşadan çıxarılmasına cavab olaraq atılıb: “Səfirə bildirilib ki, biz bu addımı Varşavanın ikitərəfli münasibətlərə son vermək üçün şüurlu istəyinin təsdiqi kimi qiymətləndiririk. Bunun üçün məsuliyyət tamamilə Polşa tərəfinin üzərinə düşür”.
Azpost.info