Rusiya hər an “Novaya Zemlya” poliqonunda nüvə sınaqlarına başlamağa hazırdır.
Azpost.info xəbər verir ki, bu barədə poliqonun rəhbəri Andrey Sinitsın “Rossiyskaya qazeta”ya müsahibəsində bildirib.
“Sınaq sahəsi tam miqyaslı sınaq fəaliyyətlərini bərpa etməyə hazırdır. Tam hazır. Laboratoriya sınaq qurğusu hazırdır. Heyət hazırdır. Komandanlıq gəlsə, istənilən vaxt sınaqlara başlayacağıq”.
Onun sözlərinə görə, poliqonda potensial dron hücumlarını dəf etmək üçün müntəzəm təlimlər keçirilir və obyektin özü elektron döyüş sistemləri ilə əhatə olunub.
“Biz hər cür təhdidləri dəf etməyə daim hazırıq. O cümlədən təxribat və kəşfiyyat qruplarının adaya nüfuz etməsini”, – Sinitsın qeyd edib.
Ötən şənbə Dumanın “Vahid Rusiya”dan olan deputatı Andrey Kolesnik bu cür silahların yaratdığı təhlükəni dünyaya xatırlatmaq üçün Rusiya poliqonunda nüvə bombası partlatmağı təklif edib.
Rusiya ərazisində sonuncu nüvə sınağı 1990-cı ilin oktyabrında Sovet dövründə “Novaya Zemlya”da keçirilib.
Azpost.info
