Rusiya və Suriya təyyarələri Hələb şəhərinə daxil olan silahlı dəstələri geri sıxışdırmaq məqsədi ilə Suriyanın şimalında intensiv bombardmanlar həyata keçirir.
Azpost.info bildirir ki, bu barədə Reuters Suriya ordusu mənbələrinə istinadən xəbər yayıb.
Təyyarələr bu gün silhalıların nəzarətində olan İdlib şəhərini bombalayıb.
Şənbə günü Rusiya və Suriya təyyarələri İdlib əyalətinin müxalifətin nəzarətində olan digər şəhərlərini bombalayıb.
Bazar günü ordu son günlər islamçı dəstələr tərəfindən ələ keçirilən bir neçə şəhəri geri aldığını bildirib.
Xatırladaq ki, silahlı qruplar Hələb şəhərinin böyük hissəsini nəzarətə götürüb.
