Almaniyanın məişət texnikası istehsalçısı “Bosch” Sankt-Peterburq yaxınlığındakı zavodlarını Türkiyənin “Can Holdinq” investisiya fonduna 20 milyon dollardan çox qiymətə satmağa hazırlaşır.
Azpost.info xəbər verir ki,bu barədə “Kommersant”a “Jacky’s” məişət texnikası istehsalçısının təsisçisi Hüseyn İmanov məlumat verib.
Onun sözlərinə görə, Çinin “Hisense” fondu da aktivlər üçün müraciət edib, lakin türk şirkəti iki dəfə çox təklif edib.
Digər iki mənbə “Can Holdinq”in “sövdələşmənin son mərhələsində olduğunu” təsdiqləyib.
Mümkün sövdələşmə artıq Federal Antiinhisar Xidməti tərəfindən təsdiqlənib.
“Alman şirkəti Rusiya bazarını tərk etdi və xidmət dəstəyi ilə bağlı bütün öhdəliklərini yerinə yetirdi. Eləcə də işçilərə illik maaş verildi”, – mənbə bildirib.
Türkiyə investisiya fondu Rusiyada öz brendləri – Awox, Seikon, Telefox, Energia və s. altında soyuducular, paltaryuyan maşınlar və quraşdırılmış cihazların istehsalına başlamağı planlaşdırır.
Azpost.info
