“Rusiyanın hücum qruplaşmasının ümumi sayı təqribən 712 min nəfərdir“.
AzPost UNİAN-a istinadən bildirir ki, bunu Ukrayna Silahlı Qüvvələrinin Ali Baş Komandanı Aleksandr Sırski bildirib.
Onun sözlərinə görə, Rusiya təqribən iki dəfə çox artilleriya mərmisindən istifadə edir. “Biz isə bunu dəqiqliklə, kəşfiyyatla və mühüm hədəfləri məhv etməklə kompensasiya edirik”-deyə Aleksandr Sırski bildirib.
O bildirib ki, cəbhə xəttində hər gün orta hesabla 160-190 döyüş toqquşması və Ukrayna Silahlı Qüvvələri tərəfindən təxminən 15-20 hücum baş verir: “Bu, ilk növbədə, təşəbbüsü saxlamaq, eləcə də səylərimizi problemli sahələrə yönəltməklə qüvvə və vasitələri manevr etmək imkanı verir”.
Sırski əlavə edib ki, Rusiyanın hücum qrupunun ümumi gücü təqribən 712 min nəfərdir. Komandan qeyd edib ki, cəbhə xəttindəki ümumi vəziyyət mürəkkəb, lakin idarə olunandır.
“Düşmən əsas istiqamətlərdə, xüsusilə Pokrovskoe və Dobropolskoe istiqamətində irəliləməyə davam edir. Limanskoe və Novopavlovskoe istiqamətlərində də vəziyyət gərgin olaraq qalır. Digər istiqamətlərdə vəziyyət aşağı intensiv döyüşlərlə xarakterizə olunur. Ümumilikdə vəziyyət bizim nəzarətimizdədir”, – o qeyd edib.
