Şəmkirçay su anbarında 1 nəfər batıb –

Şəxsiyyəti müəyyənləşib (YENİLƏNİB)
04 İyul 2020 - 18:12

Şəmkir rayonunun Yuxarı Seyfəli kəndi ərazisində Şəmkirçay su anbarında şəxsiyyəti hələlik məlum olmayan 1 nəfər batıb.

Fövqəladə Hallar Nazirliyindən “Report”a verilən məlumata görə, “112” qaynar telefon xəttinə bu barədə məlumat daxil olub.

Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Şəmkirçay su anbarında batan gəncin şəxsiyyəti müəyyənləşib.

APA-nın qərb bürosunun xəbərinə görə, o, 2003-cü il təvəllüdlü Hüseynov Tofiq Mətləb oğludur.

Hazırda onun axtarışları davam edir.