Şagirdlərin məktəbdə uğur qazanmasında ailə mühitinin rolu nədir?
İqtisadi Əməkdaşlıq və İnkişaf Təşkilatı (OECD) “Təhsilə baxış” adlı illik hesabatında digər məsələlərlə yanaşı, Fransa da daxil olmaqla, əksər ölkələrdə təhsildə tərəqqinin olmamasına diqqət çəkir. Bildirlir ki, tələbələrin karyera yolunda sosial və iqtisadi bərabərsizliklərə görə hələ böyük problemlər var.
Hesabatda qeyd edilir ki, hətta ən ədalətli ölkələrdə belə kasıb ailələrdən olan tələbələr varlı həmyaşıdları ilə eyni səviyyəyə çata bilmirlər. Sosial-iqtisadi mənsubiyyət, valideynlərin təhsil səviyyəsi, həqiqətən də, təhsil uğurunun və peşəkar inteqrasiyanın ən böyük göstəricisidir. Qeyd olunur ki, uşaq bağçasında 2 yaşa qədər uşaqların 85%-i ən varlı ailələrə məxsusdur. Yoxsul ailələr üçün bu nisbətin 33% olduğu yazılır. Təşkilat vurğulayır ki, problemlər təhsilin bütün səviyyələrində böyük sosial bərabərsizliklərdən və təhsil sisteminin səhvindən irəli gəlir. Fransada təhsilə sərmayələr yatırılsa da, hələ də problemlərin davam etdiyi bildirilir. Vurğulanır ki, təhsilə sərmayə yatırmaq yaxşıdır, ancaq bu, ən çox ehtiyacı olan təhsil müəssisələrinə yönəldilməlidir.
“Bununla belə, irəliləyiş yavaş gedir və pul yatırmaq yeganə həll yolu deyil”, – deyə OECD-nin analitiki Erik Şarbonnye Fransadakı problemləri qeyd edib.
“Çox vaxt ən yaxşı uğur qazanan ölkələr mütləq ən yüksək xərclərə malik olan ölkələr deyil. Onlar müəllimlərin ixtisasını yüksəltməklə, onlara ilkin və davamlı təlimlər təklif etməklə, həmçinin təyinat verən ölkələrdir. Onlar müəllimləri ən çox ehtiyac duyulan müəssisələrə göndərirlər”,- deyə o, Fransa təhsil sistemindəki problemləri vurğulayıb.
Hər il aparılan araşdırmalara görə, gənclərə çox yüksək səviyyədə təhsil verə bilən İsveçrənin digər ölkələrə nümunə olduğu göstərilir(azərtac).
