İran İslam İnqilabı Keşikçiləri Korpusu (SEPAH) ABŞ-ın regiondakı hərbi obyektlərinə raket hücumu həyata keçirdiyini açıqlayıb.
SEPAH yaydığı bəyanatda Hörmüz boğazı yaxınlığında baş verən hadisələrdən sonra ABŞ hərbi qüvvələrinin bölgədəki mövqelərinin hədəfə alındığını bildirib. /APA/
Qurumun iddiasına əsasən, Sirik və Qeşm adalarında baş verən hücumlardan sonra ABŞ Hərbi Hava Qüvvələrinə məxsus bölgə bazaları ballistik raketlərlə vurulub.
SEPAH həmçinin bildirib ki, həmin gün səhər saatlarında iki ABŞ tankerinin Hörmüz boğazından “qanunsuz şəkildə çıxmağa cəhd etdiyi”, xəbərdarlıqdan sonra onlardan birinin dayandırıldığı, digər gəmilərin isə geri çəkildiyi iddia olunur.
Bəyanatda qeyd edilir ki, bu hadisələrdən sonra ABŞ-a məxsus pilotsuz uçuş aparatları Qeşm adasında bir rabitə qülləsini, eləcə də Sirik bölgəsində daha bir obyektin vurulmasına səbəb olub.
SEPAH-ın iddiasına görə, buna cavab olaraq Küveytdə yerləşən ABŞ-ın Əli əs-Salim hərbi hava bazası və Bəhreyndə ABŞ Beşinci Donanmasına aid obyektlər ballistik raketlərlə hədəfə alınıb.
ABŞ tərəfi isə hələlik bu açıqlamalara dair rəsmi təsdiq və ya şərh verməyib.
