Skuter
Bakının Səbail rayonunda 19 yaşlı gənc yol-nəqliyyat hadisəsində xəsarət alıb. AzPost “Report” xəbər verir ki, 2006-cı il təvəllüdlü Mehdiyev Yusif Azər oğlu kiçik elektrik nəqliyyat vasitəsi (skuter – red) ilə hərəkətdə olarkən avtomobil onu vurub.
Yaralı təcili tibbi yardımın köməkliyilə xəstəxanaya çatdırılıb. Müayinə zamanı ona açıq kəllə-beyin travması və döş qəfəsinin küt travması diaqnozları qoyulub.
Faktla bağlı araşdırma aparılır.
Yol hərəkəti haqqında Azərbaycan Respublikasının Qanunundan çıxarış: Maddə 46
Bunlar moped sürücüsü üçün qadağandır.
– sükanı tutmadan və ya təhlükəsizlik dəbilqələrindən istifadə qaydalarını pozmaqla hərəkət etmək
– mopedin uzunu və ya eni üzrə qabaritlərindən 0,5 metrdən artıq kənara çıxan və mopedi idarə etməyə mane olan yük aparmaq
– tramvay hərəkəti olan yollarda və həmin istiqamətdə hərəkət üçün birdən artıq zolağı olan yollarda sola və ya geriyə dönmək
– sərnişin daşımaq
Bütün bunlara baxmayaraq Bakı küçələrinin səkilərində, yolun ortasında hərəkət edən mopedlər görürük. Onlar sərnişin daşıması isə normal hala çevrilib.
Mopedlərdən sonra elektro skuter də dəb olmağa başlayır. Qiymətləri daha da baha olduğu üçün nisbətən az görünən bu modellər daha da sərfiyyatlıdır. 6-8 saata tam enerji ilə dolan bu nəqliyyatların qiyməti 3000 azn-dən başlayır. Manevr məhdudiyyətləri və qiymətlərinə görə kuryerlər tərəfindən çox az hallarda seçilir.
