Meditasiya mobil proqramları
“Az danış, çox dinlə” devizi ilə hazırlanmış meditasiya tətbiqləri son illərin ən çox yüklənən proqramları sırasındadır. AzPost bildirir ki, “Calm”, “Headspace” və “Insight Timer” kimi tətbiqlər artıq sadəcə sakit musiqi platforması deyil – onlar insanların daxili səsilə üz-üzə qaldığı məkana çevrilib.
İnsanlar ekrandan qopmaq üçün yenidən ekrana müraciət edirlər, amma bu dəfə səssizlik üçün. Bəs niyə? Çünki müasir insan daim stimul altında yaşamağa məcbur edilib: bildirişlər, xəbər lentləri, sosial müqayisə. Bu tətbiqlər isə beyinə “pauza” düyməsi verir.
Onların içindəki səsləndirmə texnikası, nəfəs təlimləri və musiqi zolaqları neyrobioloji təsir gücünə malikdir. Tədqiqatlar göstərir ki, sadəcə beş dəqiqəlik yönəldilmiş nəfəs təlimi kortizol səviyyəsini azalda bilir. Lakin bu texnologiyalar da kommersiyalaşır və hətta “premium səssizlik” anlayışı yaranıb. Sükut artıq pulsuz deyil.
