Suriyanın Afrin şəhərində terror aktı baş verib.
“Anadolu” agentliyinin verdiyi xəbərə görə, partlayıcı quraşdırılmış dizel dolu maşın Afrin şəhər mərkəzində mülki şəxslərin cəmləşdiyi Racu küçəsində partladılıb. PKK/YPG-nin törətdiyi terror aktında ölənlərin sayı 42-yə çatıb.
Məlumatda qeyd olunub ki, üçü uşaq olmaqla 42 Suriya vətəndaşı ölüb, 30-u isə yaralanıb.
Valilikdən verilən məlumatda bildirilib ki, hadisə ilə bağlı kamera görüntüləri izlənilib, partlayıcı quraşdırılmış dizel dolu maşını hadisə yerinə gətirən şübhəli şəxslər saxlanılıb.