Taksi sürücüsü
İstanbulun Esenyurt bölgəsində taksi sürücüsü yolpulunu verə bilmədiyi üçün sərnişini avtomobildən çıxararaq döyüb. AzPost Türkiyə mətbuatına istinadla xəbər verir ki, hadisə gecə saatlarında Esenyurt ərazisində qeydə alınıb. İddiaya görə, 4 THS 07 nömrə nişanlı taksinin sürücüsü sərnişini düşürən zaman o, pulu vermədən qaçmaq istəyib.
Bundan qəzəblənən sürücü aşağı düşüb və sərnişini döyməyə başlayıb.
Hadisə yoldan keçən vətəndaşlardan biri tərəfindən mobil telefonunun kamerasına çəkilib.
Döyülən şəxs ətrafdakı insanlardan kömək istəyib. Eyni zamanda özünü gələn avtomobillərin önünə atıb. Lakin taki sürücüsü onu təpikləməyə davam edib.
Hərəkətdə olan avtomobillərdən bir neçəsi dayanaraq hadisə yerinə gəliblər. Sürücü ilə sərnişin arasında baş verən davanın qarşısını almağa çalışıblar.
