dava
Türkiyənin Kocaeli vilayətinin Gebze rayonunda qonşular arasında əlbəyaxa dava düşüb.
AzPost Türkiyə mətbuatına istinadən xəbər verir ki, hadisə küçədə elektrikli mişarla odun kəsmək üstündə baş verib. Səs-küy səbəbiylə başlayan mübahisə tezliklə əlbəyaxa davaya çevrilib. sürətlə böyüdü. Odun parçaları ilə bir-birinə zərbələr endirən şəxslərin davası nəticəsində biri qadın olmaqla 6 nəfər yaralanıb.
Hadisə yerinə təcili yardım və polis əməkdaşları cəlb edilib. Bədənlərinin müxtəlif nahiyələrindən xəsarət alan 6 nəfər ilkin tibbi yardım göstərildikdən sonra xəstəxanaya aparılıb. Hadisə ilə bağlı araşdırmalara başlanılıb.
Məlum olub ki, qonşulardan biri küçədə elektrikli mişarla odun doğrayıb. Səsə çıxan digəri onunla mübahisə edib.
Əlbəyaxa davaya səbəb isə qonşu qadınlardan birinin müdaxiləsindən sonra yaranıb.
Hadisəyə müdaxilə edənlər iki qrup şəklində bir-birinə hücum edib. Doğranmış odunlardan dəyənək kimi istifadə edilib və dava nəticəsində iki nəfərin başı yarılıb.
Digərləri müxtəlif bədən xəsarətləri alıb.
