Tovuzda itkin düşən 13 yaşlı qız Xaçmazda tapıldı –Yeniyetmə qız niyə evdən qaçıb?

Tovuzda itkin düşən 13 yaşlı qızın yeri müəyyən olunub.

Bu barədə DİN-in Mətbuat xidmətinin Gəncə regional qrupunun baş inspektoru polis kapitanı Eşqin Qasımov məlumat verib. Xəbərə görə, Tovuz Rayon Polis Şöbəsinin əməkdaşlarının keçirdikləri axtarış tədbirləri nəticəsində rayon sakini Ə.Tağıyevanın yeri Xaçmaz rayonunda müəyyənləşdirilib.

Artıq polis əməkdaşları Ə.Tağıyeva ilə əlaqə saxlayıb, səhhətinin normal olduğu, həyatı təhlükəsinin olmadığını dəqiqləşdirib.

İlkin məlumata görə Ə.Tağıyeva ailə qurmaq üçün öz istəyi ilə Xaçmaz rayonuna gedib. Tezliklə qız ailəsinə təhvil veriləcək. Araşdırmalar davam etdirilir.

Əvvəlki məqalə

“Putin və Ərdoğan çox ciddi siyasətçilərdir”

Sonrakı məqalə

Azərbaycan Xəzərin yeni sahəsində qaz istehsalına başladığını elan etməyə hazırlaşır