“Toyota” şirkətinin ən etibarlı avtomobillərinin adları açıqlanıb.
Azpost.info bildirir ki, “Toyota Venza” krossoveri ən etibarlı avtomobili elan olunub.
Bu barədə “Hotcars” portalı xəbər verir.
Portalın ekspertləri müxtəlif analitik şirkətlərin, o cümlədən “J.D. Power” və “Consumer Reports”şirkətlərinin analitik hesabatlarına istinad ediblər.
Mütəxəssislərin fikrincə, ən etibarlı Toyota avtomobilləri 2012-2015-ci illərdə istehsal olunan Venza avtomobilləridir. Reytinqdə ikinci yerdə RAV4 krossoveri, üçüncü yerdə 2007-ci il istehsalı olan “Highlander”, dördüncü yerdə isə 2008-ci il istehsalı olan “4Runner” yolsuzluq avtomobili qərarlaşıb.
Beşinci yeri 2016-cı ilin Toyota RAV4, 2021-ci ilin Land Cruiser və 2022-ci ilin Corolla Cross tutdu.
Ən etibarlı Toyota avtomobillərinin ilk onluğunu 2000-ci ilin Land Cruiser, 2018-ci ilin RAV4 və 2017-ci ilin 4Runner tamamlayır. Növbəti sırada 2018 -ci ilin Highlander və 2020-ci ilin Sequoia-sı var.
“Toyota Venza” 2008-ci ildən Şimali Amerika bazarı üçün istehsal olunan beş yerlik orta ölçülü krossoverdir. Dörd il sonra model restyling edilib və 2020-ci ildə krossoverin ikinci nəsli ilə debütünü edib. Bəzi bazarlarda model Harrier kimi tanınır.
Azpost.info
