Yunanıstanda bütün ölkəni şoka salan faciə baş verib. 36 yaşlı Roula Pispiriqou üç uşağını qəsdən öldürməkdə təqsirli bilinərək ömürlük həbs cəzasına məhkum edilib. AzPost xəbər verir ki, bu barədə Gulf News yazıb.
Bu dəhşətli hadisə 2022-ci ilin yanvarında, Pispiriqounun doqquz yaşlı qızını zəhərləməsi ilə başlayəb. İki il sonra, 2024-cü ilin martında məhkəmə ona bu dəhşətli cinayətə görə ağır cəza – ömürlük həbs cəzası verib.
Ancaq bu, kabuslu həqiqətin yalnız bir hissəsi idi. İstintaq sübut edib ki, Pispiriqou 2019 və 2021-ci illərdə boğularaq ölən digər iki qızının da ölümünə görə məsuliyyət daşıyır.
Bu qəddar hərəkətlərin motivləri daha dəhşətli olub. Müstəntiqlərin müəyyən etdiyi kimi, qadın dağılan ailəsini xilas etmək üçün bu addımları atıb. Hüquq-mühafizə orqanları onun hesabla hərəkət etdiyini və hər bir qətli diqqətlə planlaşdırdığını deyirlər.
