Ukrayna əhalisinin sayı azalmaqda davam edir

- Rəqəmlər
21 Yanvar 2020 - 16:54

2019-cu ilin 11 ayı ərzində Ukrayna əhalisinin sayı 230,5 min nəfər azalıb.

Azərtac bu barədə Ukraynanın Dövlət Statistika Xidmətinə istinadla xəbər verir.

2019-cu ilin dekabrın 1-nə olan məlumata görə, ölkənin əhalisi 41 milyon 922,7 min nəfər təşkil edib. Yanvar-noyabr ayları ərzində əhalinin sayı 230,5 min nəfər azalıb və eyni zamanda, əhalinin miqrasiya artımı bu dövrdə 12 min nəfərə bərabər olub.

Qeyd edək ki, əhali arasında ölənlərin sayı doğulanların sayını xeyli üstələyir – dünyasını dəyişən hər 100 nəfərə 54 yenidoğulan düşür.