Ukrayna 18-25 yaş arası gəncləri Rusiyaya qarşı müharibədə iştirak etmək üçün cəlb etməlidir.
Azpost.info Reuters-ə istinadən bildirir ki, bu sözləri ABŞ dövlət katibi Antoni Blinken çərşənbə günü bildirib.
Onun sözlərinə görə, uğurun açarı döyüş meydanında insanların iştirak etməsi, eləcə də sursat və silahlardadır.
Blinken Brüsseldə Reuters-ə müsahibəsində “Bunlar çox çətin qərarlardır” deyib: “Amma gənclərin mübarizəyə cəlb olunmasının zəruriliyinə inanırıq. Hazırda 18-25 yaşlı gənclər bu mübarizədə iştirak etmir”.
