“Ukrayna ilə bağlı tezliklə Trampla yenidən görüşəcəyəm” –

“Ukrayna ilə bağlı planları müzakirə etmək üçün tezliklə ABŞ prezideni Trampla daha bir görüş keçirəcəyəm”.

AzPost bildirir ki, bu sözləri Britaniya Baş naziri Starmer London sammitinin yekunları ilə bağlı keçirilən mətbuat konfransında bildirib.

“Bizə indi Amerika ilə əməkdaşlıq etmək lazımdır. Çox yaxında Amerika prezidenti ilə görüşəcəyimiz barədə razılığa gəldik. Ümumi planımız olana qədər əməkdaşlıq etməliyik. Davamlı sülh üçün birləşmək vaxtıdır”, – deyə Starmer deyib.

Həmçinin oxu:

Ukrayna yeni raketlər almaq üçün Böyük Britaniyanın ixrac maliyyəsindən 1,6 milyard funt-sterlinq əldə edəcək. AzPost bildirir ki bu sözləri Britaniya Baş naziri Starmer London sammitindən sonra keçirilən mətbuat konfransında bildirib.

Onun sözlərinə görə, bu, Ukraynaya Belfastda istehsal olunacaq 5000-dən çox hava hücumundan müdafiə raketini kreditlə almağa imkan verəcək.

O, həmçinin vurğulayıb ki, sülh sazişi bağlanarsa, “Ukraynanın müdafiə qabiliyyətini artıracağıq”: “Sülh sazişinin icrasını qorumaq üçün Ukraynaya qoşun göndərəcəyik”

Starmer həmçinin bildirib ki, Britaniya və Fransa Ukraynada müharibəyə son qoymaq üçün plan hazırlayacaqlar.

Bundan əlavə, onun sözlərinə görə, bu gün bir sıra Aİ ölkələri Ukrayna ilə bağlı Avropa sülh planının bir hissəsi olmaq istədiklərini bəyan ediblər.