Ukrayna Prezidenti qazandığı pullarını açıqladı

06 Yanvar 2020 - 10:16

Ukrayna Prezidenti Vladimir Zelenskinin Milli Antikorrupsiya Agentliyinin saytında dərc edilən bəyannaməyə əsasən, “Kvartal 95” studiyasından 210 min dollardan çox gəlir əldə etdiyi məlum olub. 

3 yanvar tarixli bəyannaməyə görə, Zelenski 2019-cu ilin dekabr ayının sonunda studiyadan 4,8 milyon qrivna (205,9 min dollar), həmçinin istifadə üçün 104 min qrivna (4.3 min dollar) ticarət markası üçün kompensasiya alıb.

Qeyd edək ki, “Rüb 95” studiyası filmlər, seriallar və komediya şoularını hazırlayır. Daha əvvəl “Kvartal 95”-in təsisçisi olan Vladimir Zelenski dövlət başçısı seçildiyi üçün işdən ayrıldığını deyib.