Ukrayna prezidenti Tom Kruzla görüşdü:

“Filmlərdəki kimi yaraşıqlısınız!” (FOTO VİDEO)
02 Oktyabr 2019 - 09:48

Ukrayna prezidenti təkcə Birləşmiş Ştatlar prezidenti Donald Tramp deyil, indi də aktyor Tom Kruzla mehriban olmağa can atır.

Azpost.info bildirir ki, cəkəcəyi yeni filmin məkanını araşdırmaq üçün Ukraynanı gəzən Tom Kruz prezident Volodimir Zelenskinin ofisini də ziyarət edib.

Bazar ertəsi gecə Tom Kruzu prezident iqamətgahında qəbul edən Zelenski özünün TV və komediya ustalığına istinad edib.

Tom Kruz Zelenskinin ofisinə girərkən “Siz yaraşıqlısınız… Filmdəki kimi,” deyə Ukrayna prezidenti dillənib. “Kirayəni ödəyir,” deyə amerikalı aktyor cavab verib.

Zelenski zarafatla prezident olmağın nə qədər ‘yorucu’ olduğundan danışıb, həmçinin Ukraynanın şərqindəki münaqişəyə və dalana dirənmiş sülh prosesinə toxunub.