ABŞ gələcək danışıqlarda İranla Hörmüz boğazından gəmiçiliyin bərpasına deyil, Tehranın nüvə proqramına diqqət yetirmək niyyətindədir.
CNN-in məlumatına görə, Donald Tramp administrasiyasının nümayəndələri bu mövqeyi Fars körfəzi ölkələrinə qeyri-rəsmi şəkildə çatdırıblar.
“Üç mənbənin sözlərinə görə, Tramp administrasiyasının nümayəndələri Fars körfəzi ölkələrinə qapalı şəkildə bildiriblər ki, ABŞ-İran arasında gələcək danışıqlarda əsas diqqəti boğazın açılmasına deyil, Tehranın nüvə proqramına yönəltmək istəyirlər”, – CNN yazıb.
Qeyd edək ki, regionda qarşıdurmanın kəskinləşməsinə qədər Hörmüz boğazı dünya enerji ticarətinin əsas marşrutlarından biri olub.
Dünya üzrə neft və mayeləşdirilmiş təbii qaz tədarükünün təxminən beşdə biri bu boğazdan keçirdi.
Hörmüz boğazında gəmiçiliyin məhdudlaşdırılması qlobal enerji bazarı üçün ciddi risk yaradır və neft qiymətlərinə təzyiq göstərə bilər.
