Yaxın Şərqdə davam edən gərginlik fonunda turist axını istiqamətini kəskin dəyişib. AzPost xəbər verir ki “Russkiy Ekspress” turoperatorunun baş direktoru Taras Kobişşanovun sözlərinə görə, bu vəziyyətdən ən çox qazanan ölkə Vyetnam olub.
Ekspertin KP.RU-ya verdiyi məlumata əsasən, xarici istirahət bazarında maraqlı yerdəyişmələr müşahidə olunur:
-
Vyetnamda fenomenal artım: Ötən ilin baharı ilə müqayisədə Vyetnama olan tələbat 3 dəfə artıb. Ölkə həm də qiymət və keyfiyyət nisbətinə görə Tailanda rəqib çıxaraq turistləri özünə cəlb edir.
-
Çin və Rusiya istiqamətləri: Çinə olan tələbat təxminən 30%, Rusiya daxili turizminə maraq isə 16% yüksəlib.
-
Türkiyə və Misir gözləntiləri: Əvvəlcə turistlərin Dubaydan imtina edərək kütləvi şəkildə Türkiyə və Misirə üz tutacağı gözlənilsə də, reallıqda bir çoxları Cənub-Şərqi Asiyanı seçib.
Hazırda Türkiyəyə olan tələbat stabil qalsa da, ciddi artım yoxdur. Kobişşanov qeyd edir ki, hər şey xəbər fonundan asılı olacaq. Hər hansı neqativ xəbər turistlərin marağını azalda bilər. Buna baxmayaraq, otellər artıq endirimlərə başlayıblar və mövsümə yaxın bu cür təkliflərin sayının artacağı gözlənilir.
