Xarici universitetlərdən köçürülmək istəyən tələbələrin nəzərinə!

Elm və Ali Təhsil üzrə Dövlət Agentliyi xarici təhsil müəssisələrindən köçürülmək istəyən tələbələrə müraciət edib.

Agentlikdən verilən xəbərə görə, qaydalara əsasən xaricdə natamam ali təhsil alan (təhsilini tamamlamamış) şəxslər öz təhsillərini Azərbaycanda yerləşən ali təhsil müəssisələrinin birində davam etdirmək üçün ilkin olaraq kvalifikasiyalarının qismən akademik tanınması haqqında şəhadətnamə əldə etməlidirlər.

Bu şəhadətnamə sahibinə yerli ali təhsil müəssisələrindən birinə köçürülmək üçün müraciət hüququ verən vacib sənədlərdən biridir. Tələbələrin köçürülməsi yay mövsümündə başlayacağı üçün prosesdə iştirak edəcək şəxslərin şəhadətnamə əldə etməsi üçün Təhsildə Keyfiyyət Təminatı Agentliyinə https://apply.enic.edu.az/ keçidi vasitəsilə elektron qaydada müraciət etmələri tövsiyə olunur.

Əvvəlki məqalə

Şəmkirin keçmiş icra başçısı 11 il azadlıqdan məhrum edilib

Sonrakı məqalə

Çin Dağıstanda törədilən terror aktlarını pisləyib