“Yeni Müsavat” adlı Partiyanın əsasnaməsi, Nizamnaməsi və onu bəyan edəcək ilk 100 nəfərlik siyahı hazırdır”.
Azpost.info bildirir ki, bu sözləri “Yeni Müsavat” qəzetinin baş redaktoru Rauf Arifoğlu “8-ci gün” proqramına müsahibəsində deyib.
Onun sözlərinə görə, şərait imkan versə 2024-cü ildə Yeni Müsavat Partiyası elan edilə bilər: “Gələn il siyasətdə partiya həyatı və perspektivi effekti olacaqsa biz o planı 100 adamla birlikdə həyata keçirəcəyik”.
R.Arifoğlu deyib ki, 5 min partiya üzvü yığmaq problem olmayacaq: “Hətta ondan daha çox üzvümüz olacaq”.
O deyib ki, hazırda partiya quruculuğu üçün ölkədə imkan yoxdur.
R.Arifoğlu deyib ki, hazırda mövcud olan Müsavat Partiyası da onun layihəsi olub: “İsa Qəmbərin Müsavata başqan gəlməsi mənim ideyam olub. Bu partiyanı millətçi və turançı partiya kimi qurmuşduq. Sonradan o xətti dəyişdirdilər. Mən də “Yeni Müsavat”ı götürüb oradan apardım. Həmin xətti “Yeni Müsavat” qəzetində daşıdım”.
