Müəyyən qaydalara əməl etsəniz, yuxusuzluğun öhdəsindən gələ bilərsiniz.
Azpost.info RİA Novosti-yə istinadən xəbər verir ki, bu barədə Lyubertsı vilayət xəstəxanasının nevroloji şöbəsinin müdiri Natalya Şipitsina danışıb.
Onun sözlərinə görə, bunun üçün gündəlik fiziki fəaliyyət lazımdır. Həkimin sözlərinə görə, yetkin bir insanın gündə ən azı 10 min addım atması lazımdır. O, oturaq həyat tərzi keçirən insanın yuxuya getməsinin daha çətin olduğunu izah edib.
“Bundan əlavə, ardıcıl yuxu cədvəlinin saxlanması vacibdir”-, deyə Şipitsina qeyd edib. Həmçinin eyni vaxt ərzində oyanmağa və yatmağa çalışmaq lazımdır. Bu zaman bədən normal fəaliyyət göstərəcək.
