Milyonlarla insan Argentinanın dünya çempionatının finalında qələbəsini coşğun şəkildə qeyd etdiyi bir zamanda Tvitterdə yazılmış bir tvit hamını heyrətləndirib.
Azpost.info bildirir ki, 7 il bundan əvvəl -2015-ci il martın 21-də Xose Migel Polanko adlı bir şəxs Tvitterdə heyrətamiz proqnozunu yazıb: “18 dekabr 2022-ci il. 34 yaşlı Messi dünya çempionatının qalibi olacaq və bütün zamanların ən nəhəng oyunçusu elan olunacaq. 7 ildən sonra bura qayıdarıq”.
Həqiqətən Messi dünya çempionu olaraq kuboku başının üzərinə qaldırdı. Bu Messinin çempionatı idi.
Tvitterdə Polankonun tviti altında xeyli insan yazaraq təəccübünü ifadə edib.