Fort Boyard
Fransanın əfsanəvi macəra şousu “Fort Boyard” bu il 35 illiyini qeyd edir. Dünyanın 70-dən çox ölkəsində yayımlanan bu format bir çox tamaşaçı üçün əfsanəyə çevrilib. AzPost xəbər verir ki, ancaq qalada baş verənlərin ekran arxasında nələr yaşandığını çox az adam bilir.
Layihənin başlanğıcı 1980-ci illərə dayanır. Fransız prodüser Jak Antuan Napoleona məxsus tarixi qaladan ilham alaraq bu unikal şou formatını yaradıb. Qala əvvəlcə uğursuz hərbi tikinti, sonra isə həbsxana və turizm məkanına çevrilmişdi. Nəhayət, 1989-cu ildə Antuan onu alaraq oyun meydanına çevirib. İlkin ideya məşhur “Dungeons and Dragons” oyunundan götürülüb.
“Fort Boyard”da aparıcılar dəyişdikcə şounun taleyi də dəyişib. İlk aparıcı Patris Laffont 9 il şouya ev sahibliyi etdi. Amma gözlənilmədən onu ilanlar qorxutdu və Sandrine Dominguez layihəni tərk etdi. Jean-Pierre Castaldi isə şou tarixinin “ən uğursuz aparıcısı” kimi xatırlanır – reytinqlər onun dövründə kəskin düşdü. Daha sonra aparıcı dəyişiklikləri ilə birlikdə reytinqlər yüksəldi və Olivier Min şounun simasına çevrildi.
Fura maskasının arxasındakı şəxs isə illərdir tamaşaçılarda maraq doğurur. Bu sirli obrazda tanınmış aktyor və rəqqas Yann Le Qac çıxış edir. O, yalnız obraz yaratmaqla kifayətlənməyib, tapmacaların müəllifi və oyun rəhbərinə çevrilib. Tamaşaçılar onu 2002-ci ildə şoudan uzaqlaşdırıldıqda belə geri qaytarmağı tələb ediblər.
Passepartout və La Boule kimi simvollar da şounun ayrılmaz hissəsinə çevrilib. Andre Baucher artıq 35 ildir danışmadan iştirakçıları müşayiət edir. La Boule rolu üçün 114 kq çəkisi və 163 sm boyu olan Yves Marchessault təsadüfən seçilmişdi və bu obrazla şöhrət qazandı.
Testlər və mərhələlər də “Fort Boyard”ı unikal edən əsas amillərdir. Oyunçular həm fiziki maneələri dəf etməli, həm də intellektual tapmacaları həll etməlidirlər. Testlər altı mərhələyə bölünür və uğursuzluq məhkumluq, bəzən isə oyun xaricində qalmaqla nəticələnir.
2022-ci ildən etibarən şouda real pələnglər 3D modellərlə əvəz olunub. Bu, həm heyvan rifahı baxımından, həm də istehsalat baxımından vacib qərar sayılır. Amma əvvəlki illərdə pələnglərə hər gün təzə ət verilirdi və xüsusi qayğı ilə saxlanılırdı.
Milyonlarla insanın izlədiyi bu əfsanəvi layihə təkcə bir televiziya şousu deyil, həm də cəsarət, zəka və iradə ilə bağlı bir simvola çevrilib. Onun əsl uğuru isə maskaların, qorxuların və qəhrəmanlığın arxasındakı insan hekayələrində gizlidir.
