Bu gün Minskdə keçirilən xokkey matçında Belarus lideri Aleksandr Lukaşenko üzündən zərbə alıb.
Azpost.info xəbər verir ki, hadisə ilə bağlı məlumatı və videogörüntünü “Pool of the First” “Telegram” kanalı yayıb.
Yayılanan görüntülərdə yeddi nömrəli oyunçunun çubuğunu bir nömrəli oyunçunun – prezidentin çənəsinə vurduğu görünür. “Yeddi nömrəli oyunçu çubuğu kəskin şəkildə yan tərəfə apardı. Lakin onun çubuğu Lukaşenkonun çubuğuna deyil, üzünə dəydi”, – məlumatda deyilir.
Görüntüdə zədədən sonra Lukaşenkonun çənəsində sarğı qoyulduğu görülür.
Azpost.info
