2022-ci ildə Las-Veqasın ən gur küçələrindən birində baş verən hadisə turistləri və yerli sakinləri dərindən sarsıtdı. 34 yaşlı Qvatemalalı Yoni Barrios, Wynn oteli yaxınlığında 30 yaşlı Maris DiGiovanni və 47 yaşlı Brent Hallett adlı iki nəfəri öldürüb, 6 nəfər isə yaralayıb.
Təhlükəsizlik kameralarına düşən görüntülərdə ilk olaraq küçə musiqiçiləri ilə şəkil çəkdirmək istəyən Barrios geyiminə güldüklərini düşünərək bir anda aqressivləşir. O, əvvəlcə DiGiovanninin ürəyinə bıçaq zərbəsi endirir, sonra küçə ilə qaçaraq yoldan keçən insanlara hücum edir. Hallett kürəyindən aldığı bıçaq yarasından ölür. Dindirmə zamanı Barrios hirsini cilovlaya bilmədiyini deyib. Məhkəmə onu, psixiatriya mərkəzinə müalicə üçün göndərib.
Hazırda o, psixi sağlamlıq problemlərinə görə mərkəzdə saxlanılır.
