Həkim xərçəngə tutulma riskini azaldan qidaların adlarını çəkdi
Onkoloq və tibb elmləri namizədi Ruslan Basanov RİA Novosti- yə müsahibəsində xərçəngin inkişaf riskini azaltmağa kömək edən məhsulların adını çəkib.
AzPost xəbər verir ki, bu barədə mütəxəssisin sözlərinə görə, bir sıra məhsullar var ki, onların müntəzəm istifadəsi mədə-bağırsaq traktının onkoloji xəstəliklərinin inkişaf riskini azaltmağa kömək edir.
İlk növbədə bu sıraya brokoli, gül kələm və Brüssel kələmi daxildir. Çünki onların tərkibində xərçəng əleyhinə xüsusiyyətlərə malik sulforafan kimi maddələr var.
Həkim xərçəngə tutulma riskini azaldan qidaların adlarını çəkdi
İkinci yerdə güclü antioksidant olan və hüceyrələri zədələnmədən qoruyan likopenlə zəngin olan pomidordur.
Mütəxəssis qeyd edib ki, sarımsaq və soğan öz növbəsində antibakterial və antioksidant xüsusiyyətlərə malik allisin, yaşıl çayın tərkibində isə hüceyrələrə oksidləşdirici zərərlə mübarizə aparan katexinlər var.
Basanov həmçinin bütöv taxıllara və liflə zəngin qidalara diqqət yetirməyə çağırıb. Çünki onlar bağırsağın fəaliyyətini normallaşdırmağa və kolorektal xərçəng riskini azaltmağa kömək edir.
Onkoloq əlavə edib ki, qaragilə, moruq və çiyələk kimi giləmeyvə orqanizmi sərbəst radikallardan qoruyan antioksidanlar və fitonutrientlərlə zəngindir.
Mütəxəssis belə qənaətə gəlib ki, bu məhsulların müntəzəm olaraq qida rasionuna daxil edilməsi mədə-bağırsaq xərçənginin inkişaf riskini əhəmiyyətli dərəcədə azalda bilər.
