Binəqədi ərazisində aparılan paleontoloji qazıntılar zamanı tapılmış kərgədan qalıqları göstərir ki, Azərbaycanda da bir vaxtlar bu nəhəng məməlilər yaşayıb.
Söhbət nəsli kəsilmiş Stephanorhinus cinsinə aid Pleistosen dövrü kərgədanlarından gedir.
Onlar güclü bədən quruluşuna və qalın dərilərinə görə əsl “əjdaha” kimi görünə bilərdilər. Bu heyvanlar Binəqədi qır gölündə çox yaxşı qorunmuş halda tapılıb.
Tapıntılar sübut edir ki, bu ərazilər bir vaxtlar sərin iqlimli, su və otlaqlar baxımından zəngin olub.
