Qocalma
Beyin sağlamlığının qorunmasında fiziki hərəkətin rolu böyükdür. AzPost bildirir ki, ABŞ-ın Harvard Universitetindən nevroloq Derek Hamilton Healthline-a müsahibəsində bildirib ki, gündəlik orta səviyyəli fiziki aktivlik beyin hüceyrələrinin yaşlanmasını yavaşladır.
Hamiltonun sözlərinə görə, idman sinir hüceyrələrinin yenilənməsini sürətləndirir və xatirənin qorunmasına kömək edir. Həkim əlavə edib ki, ən az 30 dəqiqə sürətli yürüyüş, velosiped sürmə və ya digər kardio məşqləri sinir sisteminə müsbət təsir göstərir.
Mütəxəssis deyib ki, fiziki hərəkət yalnız bədən üçün yox, həm də zehni sağlamlıq üçün vacibdir. Hamilton depressiya və narahatlıq hallarını azaltmaq üçün idmanı təbii vasitə kimi qiymətləndirir.
O, həmçinin qeyd edib ki, yaşlılarda beyin sağlamlığını qorumaq üçün idmanla yanaşı düzgün qidalanma və sosial aktivlik də önəmlidir.
